Eusko Jaurlaritzak 2002. urtean Garapen Iraunkorrerako Euskal Ingurumen Estrategia jarri zuen martxan, 2020. urte arte garapen sozioekonomikoaren eredu berri baten oinarriak ezartzen dituen plana.

Honen helburua Euskadiko etorkizuneko garapenerako eredua zehaztu eta defendatzea da, ingurumen sistema orekatu eta adierazgarri bat sendotzeagatik nabarmentzen den eredua. Hau dela eta, Garapen Iraunkorrerako Euskal Ingurumen Estrategiaren bi oinarri nagusienak, batetik,  sektoreen integrazioa eta, bestetik, instituzio publikoen eta giza eragileen arteko lankidetza dira. Aurrerapenak begi bistakoak dira.

IHOBE, Ingurumen Jarduketarako Sozietate Publikoa da  estrategia hori garatzeko Eusko Jaurlaritzak duen tresnetako bat. Sozietate horrek ingurumenaren kudeaketaren eta babesaren esparruan ditu oinarriak, eta proposatutakoa gauzatzea du zeregin.

Euskadi aitzindari izan da industria-sektorearekin borondatezko akordioak sistematikoki abian jartzen. Akordio horiek bertan esku hartzen duten sektoreetako enpresen ingurumen-portaera hobetzera bideratutakoak izan dira. Gainera, ezin dugu ahaztu ISO 14001 egiaztagiria duten enpresa gehien dituen Europako herrialdea dela, barne produktu gordinarekin alderatuta. Horretaz gain, aipatzekoak dira, alde batetik, ACLIMA, ingurumenaren gaineko industria-kluster garrantzitsua,  eta bestetik, IZAITE   elkartea, gure esparruan buru diren hainbat enpresek sortutakoa garapen iraunkorra sustatzeko.

Euskadi Western Capa (Hegoafrika), eskualdeekin batera Garapen Iraunkorrerako Eskualdeetako Gobernuen Sarearen -'nrg4SD'- buru da; erakunde hau gai honetan eskumena duten nazioarteko eta nazioz gaindiko elkarteen aurrean hitza duen erreferente bihurtu da.

Bilbo aukeratu dute, hain zuzen ere, bi egoitza iraunkorretariko bat izateko, bestea West Virginia estatu batuarra da. Bi egoitza hauetan egingo da bi urtez behin Informazioa eta Birziklapenaren Praktika Industrialak Trukatzeko Nazioarteko Konferentzia.